(VIDEO) Stiven Hoking o crnim rupama: One su prolaz u drugi svemir
Ljudi bi mogli pobjeći kroz crne rupe, umjesto da u njima “zapnu”, tvrdi Stiven Hoking u novoj teoriji.
A nesrećni svemirski putnici, koji bi se našli u crnoj rupi, pritom se ne bi mogli vratiti u svoj svemir, poručuje on. Ali zato bi mogli pobjeći negdje drugo, rekao je na konferenciji u Stokholmu.
Crne rupe zapravo nisu “crne” kao što su ljudi mislili i mogle bi biti put u alternativni svemir.
“Postojanje alternativnih istorija s crnim rupama navodi na zaključak da bi to moglo biti moguće. Rupa bi morala biti velika, a ako se vrti mogla bi biti prolaz u drugi svemir. Ali onda se ne biste mogli vratiti u svoj. Pa iako su mi privlačna svemirska putovanja, to neću isprobati”, poručio je.
Hokingov prijedlog je pokušaj odgovora na problem koji muči fizičare, o tome što se događa kad stvari odu iza mjesta s kojeg se ni svjetlost ne može vratiti. Informacija o predmetu morala bi biti sačuvana, vjeruju naučnici, čak i ako je on progutan, a to je paradoks koji muči naučnike decenijama.
Sad je Hoking predložio da je ta informacija spremljena na granici, na rubu horizonta. To znači da ona nikad ne ode u crnu rupu pa se nikad ne mora niti vratiti.
To bi značilo i da ljudi možda ne bi nestali ako upadnu u crnu rupu.
“Ako padnete u crnu rupu, ne odustajte. Možda postoji izlaz”, rekao je okupljenima na kraju govora.
(Index.hr)
