Brzo ti se masti kosa? Evo rješenja
Evo šta treba da jedeš, piješ i kako da pereš i sušiš masnu kosnu.
Problem masne kose kose ponekad je posljedica neurednog pranja kose ili nepravilne, masne prehrane, a češće prekomjernog rada lojnih žlijezda usljed viška muških hormona u organizmu ili prevelikog broja receptora za te hormone pod kožom kose.
Hormoni mogu biti privremeno ili trajno poremećeni. Ako je poremećaj privremen, mogao bi vam pomoći uredan san, miran život i zdrava hrana. Ali, ako vam to ne pomaže, znači da je vaš hormonalni problem hroničan.
Nije lako djelovati na rad žlijezda s unutrašnjim izlučivanjem, ali održavanje higijene može mnogo da pomogne: perite kosu svakoga dana, izbjegavajte agresivne šampone za masnu kosu, koristite one na kojima piše “za svaki dan” ili “veoma blagi”, dobri su i oni za djecu i bebe.
Probajte i neki od sledećih recepata:
ISPIRANJE KOSE LIMUNOVIM SOKOM
Iscijedite dva limuna i dodajte četiri decilitra vode. Nakon svakog šamponiranja, lagano osušite kosu peškirom, a potom pokvasite kosu ovim rastvorom. Ispreite je mlakom vodom nakon 10 minuta.
LIMUN I SIRĆE
U dva decilitra vode dodajte dvije kašike sirćeta od jabuke ili grođža i sok od jednog limuna. Nakon šamponiranja, isperite tjeme ovom mješavinom, a potom mlakom vodom.
LIMUN I ČAJ
Napravite dva decilitra zelenog, crnog ili čaja od nane. Kada postane mlak, iscijedite u njega pola limuna. Nakon šamponiranja nanesite smjesu na kosu i vlasište. Ostavite 10 minuta pa isperite u mlakoj vodi.
BEZALKOHOLNO PIVO
Pomiješajte čašu svjetlog piva (bezalkoholnog) s čašom vode i tom smjesom isperite kosu nakon šamponiranja. Ostavite na kosi tri do pet minuta i potom dobro isperite mlakom vodom, savjetuje “Alternativa za vas”.
SODA BIKARBONA
U litar vode naspite dvije do tri kašike sode bikarbone i dobro promešajte. Nanesite na kosu i ostavite 20 minuta. Potom operite kosu šamponom kao i isperite mlakom vodom. Ponavljajte ovaj tretman tri puta nedeljno.
TALK
Ako nemate vremena da perete kosu, a masna je, pospite je talkom za bebe, prahom od sandalovine ili kukuruznim skrobom. Pustite sredstvo da djeluje pet minuta i potom dobro iščetkajte kosu.
Kako se pere i suši masna kosa
Prilikom pranja, masirajte kosu i glavu vrlo nježno. Dobro je isperite. Ne koristite jak i previše vruć fen. Ako imate vremena, pustite kosu da se prirodno osuši.
Šta treba jesti
Izbjegavajte namirnice bogate zasićenim mastima, prženu, kao i rafiniran šećer. Prijaće vam sirovo voće i povrće, sušeno voće, orašasti plodovima i sjemenkama. Umjesto gaziranih i kupovnih sokova pijte svježe cijeđene.
(Mondo.rs)
