Vijesti 21.02.2016.

Četvorogodišnjeg dječaka osudili na doživotnu robiju: Prvi zločin počinio sa godinu dana?

ČITANJE: 1 minuta
djecak
Sud je osudio četvorogodišnjeg dječaka na doživotnu robiju, kako stoji u presudi, zbog četiri ubistva koja je počinio kada je imao samo godinu dana.

Ahmed Mansour Karni osuđen je za četiri ubistva, osam pokušaja ubistva, uništavanje imovine, narušavanje mira i prijetnje policajcima, piše “Dejli Mejl“.

Ime dječaka pronašlo se na popisu 115 optuženika koji su dobili doživotne kazne na vojnom sudu u Kairu za zločine počinjene u toku 2014. godine.

Ahmedovo ime je greškom dodato na listu, ali sud je odbio da prihvati dokumente u kojima se navodi koliko dječak ima godina, kazali su dječakovi advokati. Advokat Faisal al Said kazao je da je sudu dostavio Ahmedovu krštenicu koja, navodno, nije proslijeđena sudiji.

-Krštenica dečaka poslata je sudu nakon što se njegovo ime našlo na spisku optuženih, potom je slučaj prosleđen na vojni sud i dijete je osuđeno u odsustvu- rekao je advokat dodajući kako to dokazuje da sudija nije proučio slučaj.

Egipatski advokat Mohamed Abu Hurira kazao je kako ovo dokazuje da je egipatsko sudstvo dvolično i da pravda ne postoji.

-Ovdje je logika počinila samoubistvo. Egipat je poludio- kazao je advokat.

Egipat je od 2013. godine pod vojnom diktaturom predsjednika Abdela Fatah al-Sisija.