Izlazna anketa u Britaniji: Laburisti 410, konzervativci 131, liberali 61, reformisti 13 mandata
Milioni ljudi širom Velike Britanije glasali su danas na opštim izborima u zemlji.
Prema izlaznim anketama, Laburistička stranka lijevog centra osigurala je veliku većinu u Donjem domu, čak 410 mandata, i formiraće novu vladu.
Predviđa se da će konzervativci pasti na 131 poslanika, što je njihov najniži broj u istoriji nakon Drugog svjetskog rata.
Liberalne demokrate su treće sa 61 poslanikom u novom parlamentu.
Škotska nacionalna stranka će, prema izlaznim anketama, pasti na 10 poslanika, a Reformska partija Najdžela Faraža bi trebala imati 13 poslanika.
Predviđa se da će Zelena stranka Engleske i Velsa dobiti dva poslanika, a Partija Velsa će imati četiri mandata. Ostalim strankama se predviđa 19 mjesta.
Izlazna anketa, koju je nadgledao Sir John Curtice i tim statističara, temelji se na podacima od birača na oko 130 biračkih mjesta u Engleskoj, Škotskoj i Velsu. Anketa ne obuhvata Sjevernu Irsku.
Na posljednjih pet opštih izbora, izlazna anketa bila je relativno tačna, prenosi index.hr.
Oznake: Izbori, Velika Britanija
