Starmer s pilotskim naočarima imitirao Makrona VIDEO
Foto: Screenshoot/TikTok/Keir Starmer
Britanski premijer Kir Starmer našalio se na račun francuskog predsjednika Emanuela Makrona tokom komičnog nastupa u Londonu. Starmer je na pozornici stavio pilotske sunčane naočare, koje su postale Makronov zaštitni znak nakon što ih je nosio prošle sedmice u Davosu, i kratko poručio “Bonjour”. Događaj se odvio u pozorištu Duchess u sklopu emisije The Political Party Live, gdje je premijer učestvovao u intervjuu pred publikom.
@keirstarmer @Emmanuel Macron ♬ original sound – Keir Starmer
Starmer je snimak trenutka podijelio na svom TikTok profilu, gdje je označio i samog Makrona. U opisu je dodao “Talk to me, Goose”, poznati citat iz filma Top Gun, koji je popularizovao upravo takav stil sunčanih naočara. Potez je izazvao smijeh publike u londonskom West Endu, a Starmer je voditelju Mattu Fordeu rekao kako bi razmislio o nošenju takvih naočara na budućim sastancima.
Odmah potom se našalio da su mu ipak potrebne njegove uobičajene naočare jer bez njih ne bi mogao ništa vidjeti u parlamentu.
“Top gan” Makron – zašto je francuski predsjednik u Davosu nosio naočare za sunce
Oznake: Emanuel Makron, Kir Starmer, naočare
