Talibani ubili najmanje 17 ljudi

Talibanski borci napali su rano jutros pakistansku vazduhoplovnu bazu u Peševaru i ubili najmanje 17 ljudi, izjavio je vojni portparol.

Šestnaest osoba poginulo je u džamiji dok su bili na molitvi, a kasnije je nastradao i kapetan koji je predvodio kontranapad na militante. Ubijeno je 13 napadača.

Za sada nije poznato da li su lica koja su ubijena u džamiji u bazi Badaber civili ili vojnici.

Vojska pretražuje sela u blizini baze, koja je udaljena oko deset kilometara južno od centra Peševara.

Detonacije i pucnjava čuli su se više od tri sata poslije početka napada, izjavili su lokalni mještani. Na televiziji su emitovani snimci helikoptera koji nadlijeću bazu, dok ispred nje čekaju policija i ekipe Hitne pomoći.

Oko 20 ranjenika prebačeno je u vojnu bolnicu.

Ovo je bio najsmrtonosniji napad talibana na neki vojni objekat u Pakistanu ove godine.

(Agencije)

Koja je tvoja reakcija?

0% Srećno

0% Ravnodušno

0% Zabavno

0% Smiješno

0% Bijesno

0% Tužno